MARW.
Gofidus gennym gofnodi marwolaeth Mr Hugh Edwards, Llainlas, Rhosfawr, yr hyn a gymerodd le y nos Sadwrn o'r blaen, ag efe yn 73 mlwydd oed ar ôl cystudd byr ond caled.Brodor ydoedd o'r Bala, ac yr oedd yn yr ardal hon bellach ers dros 35 o flynyddoedd.
Gweithiwr diwyd a gonest ydoedd ac yn fawr ei barch gan yr holl ardalwyr. Bu am gyfnod maith mewn gwasanaeth dan y Cyngor Sir yn codi cerryg or gwahanol chwarelau at wasanaeth y prif-ffyrdd, ond oherwydd gwaeledd ei briod gorfu iddo rhoddi'r gwasanaeth hwnnw i fyny.
Yr oedd yn ddyn yn llawn bywyd bob amser. Meddai ar natur dyner, ac yr oedd yn barod iawn i wneyd caredigrwydd a phawb. Yr oedd yn aelod ffyddlon o eglwys Ebenezer CM.
Chwith iawn yw colli hen ardalwyr fel hyn y naill ar ôl y llall, ac yn ddios yr ydym fel ardal yn teimlo hynny. Cymerodd yr angladd le yn Abererch ddydd lau diweddaf (angladd anghyoedd).
Cydymdeimlir a'i weddw yn ei phrofedigaeth lem.