MARWOLAETH.

Gofidus iawn yw gorfod deall am farw y brawd rhagorol Mr Owen G. Jones, Muriau.

Nid ydoedd yn gryf iawn ei iechyd er's blynyddau. Yn ddiweddar cafodd ei daraw yn drwm a'r Pneumonia a'r Pleurisy, a nos Lun bu farw yn dawel a thangnefeddus fel ag y bu fyw.

Ergyd drom iawn yw hon i eglwys Horeb (A ), lle yr oedd yn ddiacon ffyddlon a gwasanaethgar, ac yn ysgrifenydd yr, eglwys er's dros 20ain mlynedd Gweithiwr cyson, distaw, doeth ydoedd, ac yr oedd ei sel i grefydd a'r eglwys yn eithriadol. Cymeriad hardd iawn, a gair da iddo gan bawb a'i hadwaenai. Perchid ef yn fawr fel cymydog, ac amaethwr diwyd a chymwynasgar.

Efe yn dad a phriod anwyl a thyner iawn, a gwag ryfeddol fydd aelwyd y Muriau, a phrudd fydd calon ei briod anwyl a'r plant hebddo. Ond credwn iddo fyw bywyd sydd yn ernes newid i fyd gwell. Prudd er hyn yw colli gŵr mor rhagorol, caredig, a gwasanaethgar yn nghanol ei ddyddiau.

Claddwyd ei weddillion dydd Sadwrn yn mynwent newydd Llanbedrog. Yr oedd yn angladd lluosog a pharchus iawn. Gwasanaethwyd wrth y tŷ gan y Parchn. R. M. Edmunds (gweinidog), Morgan Price, Chwilog, a T. J. Jones (M.C ), Brynmawr. Wrth y bedd siaradwyd yn ddwys ac effeithiol gan y Parch. J. Rhydderch, Pwllheli, a gweddiwyd gan y Parch. Owen Jones, Nant Ffrancon.

Gadawa briod, ac un mab a phedair merch, ynghyd a brodyr a pherthynasau eraill yn eu galar. Merch iddo ef yw priod y Parch. D. M. Mason, Chwilog. Cymerwyd gofal trefniadau yr angladd gan Mr M G. Jones, Artro, Pwllheli.

Nodded y nefoedd fyddo dros y teulu trallodus a'r eglwys yn ei cholled drom.

Yr Udgorn 14/11/1917


MARWOLAETH.

Gyda goiid y croniclwn farw Mr Owen G. Jones, Muriau, ddydd Llun, Tachwedd 5ed. Byr iawn fu ei gystudd, ond nid oedd yn gryf ers amser. Mae'r ardal a'r wlad wedi cael colled fawr iawn yn ei farwolaeth, ac yn arbenig yr eglwys yn Horeb (A.), lle yr oedd yn ddiacon ffyddlawn ac yn ysgrifenydd yr eglwys ers dros 20 o flynyddau. Dyn tawel a dwys oedd efe; Cristion cywir, ac yn ddyn cymwynasgar iawn yn yr holl gylchoedd. Yr oedd yn barod iawn i wasanaethu ei blwyf ac yn ymdrechgar iawn i symud gyda gwelliantau angenrheidiol. Bu'n aelod ffyddlawn o'r Cyngor Plwyf am flynyddau. Yr oedd yn meddu ar awydd byw i wneyd daioni i bawb yn gyffredinol. Meddai hefyd ar law gelfydd iawn, ac yr oedd yn cael edrych arno fel, amaethwr destlus, doeth a charedig. Er mor drwm yw'r golled i'r wlad, yr ardal a'r eglwys, eto yn y Muriau y teimlir y golled drymaf, am briod a thad anwyl a gofalus iawn. Gedy briod a phump o blant i alaru, gyda nifer o frodyr a pherthynasau ereill. Y Nefoedd fyddo yn gysgod drostynt oll. Cymerodd yr angladd le ym Mynwent Newydd Llanbedrog. Daeth tyrfa fawr ynghyd gan ddangos parch mawr i'r ymadawedig. Yn y cerbyd cyntaf yr oedd Mrs Jones (priod) a Mrs Evans; Mr a Mrs Griffith Williams (merch a'i phriod); Miss Laura, Jones (merch), a Mr Jones (cefnder). Yr ail gerbyd, Mr a Mrs Roberts (merch a'i phriod); Parch a Mrs Mason (merch a'i phriod); Mr a Mrs Jones (mab a'i briod). Trydydd cerbyd, Mr a Mrs Jones, Bryn Mawr (brawd); Mr a Mrs Williams, Tydweiliog; Mr John O. Jones, Ffridd; Mr Griffith Jones, Trefaes. Pedwerydd cerbyd, Mr a Mrs Jones, Sarn; Miss Williams, Tydweiliog; Mr Evans. Mr Owen Williams, Penbryn Deiniol; Mr Thomas Jones, Bryn Mawr. Pumed cerbyd. Mr Thomas a William Williams; Mr a Mrs Davies, Cefn; Mr John Jones, Trefaes. Gwasanaethwyd wrth y tŷ gan y Parchn R. M. Edmunds (gweinidog), Llanbedrog; Morgan Price, Chwilog; J. T. Jones. B.A.. Brvn Mawr. Wrth y bedd gan y Parchn J. Rhydderch, Pwllheli: Owen Jones, Nant Ffrancon; R. T. Jones Yr oedd trefniadau yr angladd yn ngofal Mr M. G. Jones, Artro, Pwllheli.

Yr Herald Gymraeg 20/11/1917