MEDDWI.
Cyhuddwyd Richard Thomas, Talafon, Dinas, o fod yn feddw ddwy waith tra yn gofalu am gerbyd a cheffyl.Rhoddwyd tystiolaethau gan yr Heddwas Roberts a'r Rhingyll Lloyd.
Dywedodd y diffynydd iddo alw am feddyg pan yn y ddalfa er mwyn profi nad oedd yn feddw. Ond gwadodd yr Arolygydd Owen iddo wneyd hyny.
Dywedodd y cyhuddedig mai ychydig iawn o ddiod droai yn ei ben byth er pan y bu efe yn Ne Affrica. Cyrnol Lloyd Evans (y Cadeirydd) : Mwyaf yn y byd y dylech chwi beidio yfed.
Y diffynydd addawodd nad elai efe byth i dafarn mwy Cafodd fyned allan ar brawf ar daliad y costau.
Genedl Gymreig 31/03/1914
YNADLYS PWLLHELI.
Cynhaliwyd ddydd Mercher. Ar y fainc yr oedd, Mri Maurice Jones. G. Hughes Parry, W. W Griffiths. (Dr. Gwenogfryn Evans a Mr G. Cornelius Roberts.MEDDW GYDA CHEFFYL A CHERBYD.
Cyhuddwyd Richard Thomas, Talafon Shop Dinas, o fod yn feddw tra yn gofalu am geffyl a cherbyd ar ddydd Mercher ym Mhwllheli.Ymddangosai Mr E. R. Davies dros y diffynydd a gwadai y cyhuddiad.
Tystiodd y Rhingyll Lloyd a'r Heddweision Jones a Thomas eu bod wedi gweled y diffynydd gyda cherbyd a cheffyl a'i fod yn rhy feddw i gymeryd gofal o'r cerlbyd. Bu iddynt ei erchi i fyned a'r cerbyd i ystabl Mr Denman yn y Maes, gan ei wahardd i fynd ag ef adref.
Dywedodd Mr. E. R. Davies fod y diffynydd wedi rhoddi y ceffyl yn y cerbyd ac wedi gwneud llawer o negesau yn y dref ac ar gais y plismyn fe aeth a'r ceffyl i'r ystabl trwy le anhawdd iawn. Yr oedd bob amser yn ddyn siaradus a hyawdl, ac yr oedd yn hawdd camgymryd hyn am ddylanwad y ddiod. Daeth i'w swyddfa ef ar ôl gweled y plismyn, ac yr oedd yn sobr ac yn siarad yn synwyrol ac anogodd ef geisio rhywun i fyned a'r cerbyd adref gan fod yr heddlu yn gwahardd iddo fyned ei hunan.
Tystiodd y diffynydd ei fod yn sobr ac nad oedd wedi cael ond dau lasiad y diwrnod hwnw. Tystiwyd hefyd gan Mri Meth. Griffiths, Tower Hotel, a T. Denman, Pwllheli, fod y diffynydd yn sobr ac yn abl i gymeryd gofal o'r cerbyd.
Dirwywyd ef i 5s 6c yn cynwys y costau.
Yr Herald Gymraeg 14/03/1916
YR YNADLYS.
Cynhaliwyd dydd Mercher, gerbron Mri Maurice Jones, C. H Lloyd Edwards, Lieut Col. Gough, William Thomas, Dr. Gwenogfryn Eyans, G. Cornelius Roberts, J G. Jones, a J. Hughes Parry.HELYNTION Y DDIOD.
Cyhuddwyd Richard Thomas, Talafon, Shop Dinas, o fod yn feddw tra yn gofalu am ddau geffyl a lorry.Tystiai Rhingyll Lloyd iddo weled y diffynydd yn feddw iawn yn gyru y ddau geffyl.
Mr J. G. Jones : A oes rhywbeth y mater ar ymenydd y dyn yma ?
Yr Arolygydd Owen : Nid wyf yn meddwl hyny, ond y mae rhyw ddiffyg yn ei wddf (chwerthin).
Dirwywyd ef i 1p.