Colofn Awen.
Dyma eto gerdd naturiol gan un o fechgyn LIŷn, o faes y gwaed. Syn o beth yw medru meddwi mewn modd yn y byd, heb son am ganu,yn y fath le!Ac eithrio ymadroddion fel "Gwn, yn ddiau, "Glyna 'nghalon" (yn lle glŷn fy nghalon), "Perlog wenau," a.y., cerdd naturiol yw eiddo Twm Nefyn.
Diolch, a Blwyddyn Newydd lwyddianus iddo ef a'i gymrodyr.
O FAES Y DRIN.
Daeth yr Hydref a'i gymylauI ro'i ffarwel oer i'r Haf;
Crin yw'r dail, - ni chân yr adar!
Gwelaf natur fel pe'n glaf;
Plygu pen mae'r blodau gwynion,
Oeri wna'r awelon mwyn;
Ac i'r Gog, nid oes Y'nghymru
Rhwng y crin-ddail, unrhyw swyn!
Ond os diangc wna y Gwccw
Oddiar fryniau Cymru fâd,
Glyna 'nghalon wrth ei chreigiau
Er i'r Hydref doi y wlad;
Gwelaf ynddi - er pob cwmwl -
Swyn uwch pob rhyw arall wlad;
Gwelaf rhwng ei bryniau llwydion
Berlog wennau mam a thad!
Disgwyl 'rwyf - fel llawer eraill -
Am y dydd pryd caffom hyn;
Wedi blino ar grasdiroedd,
Hiraeth dwys am nant a bryn;
Yn y "ffos" nid yw fy nghartref,
Nid ar sych grasdiroedd chwaith,
Gwaedda'r enaid am gael rhywle
Sydd anwylach ar y "daith"!
Gwaedda'n aml mewn och'neidiau, -
Oni chlyw 'r Hwn greoedd Nef ?
Oni wrendy'r Hwn a'm carodd
Cyn fy mod, fy ngwanaidd lef ?
Gwna yn ddiau,—agos ydyw,
Nes na saeth 'run gelyn du,—
Cymru—etto fydd fy nhrigfan
TWM NEFYN.