MARWOLAETH A CHLADDEDIGAETH.
Drwg gennym orfod cofnodi marwolaeth y ddiweddar Mrs. Jane Evans, Pisgah House, yr hyn a gymerodd le Awst 29ain, yn 57 mlwydd oed ar ôl cystudd maith a ddioddefodd yn dawel.Yr oedd yn aelod o eglwys Tanyfoel (M.C.). Y dydd Mawrth dilynol hebryngwyd yr hyn oedd farwol ohoni i fynwent St. Aelrhyw. Cafodd angladd lluosog a pharchus.
Gwasanaethwyd wrth y tŷ gan Mr. Richard Owen, Waen, ac yn yr eglwys ac ar lan y bedd gan y Parch. D. Sinnett Jones, Rheithor. Gedy ddau fab a merch i alaru ar ei hôl, a pha rai y cydymdeimlir yn fawr yn y brofedigaeth lem.
Gorchuddid ei harch a blodeudyrch.