MR. JOHN P. JONES. COETYNO, COLUMBUS, WISCONSIN.

Mehefin 27ain, 1890, yn 73 mlwydd oed, John P. Jones (Coetyno), Columbus, Wisconsin. Yr oedd yn gwaelu er's amser, a dyoddefodd lawer yn ystod chwech wythnos olaf ei oes. Ei brif anhwyldeb oedd Bright's Disease.

Ganwyd ef ger Capel Ucha, Clynnog, Sir Gaernarfon, Gogledd Cymru.

Ymfudodd i'r wlad hon yn 1845, a threuliodd weddill ei fywyd yn Columbus. Yr oedd ei briod wedi ei ragflaenu er's rhai blynyddau. Gadawodd o berthynasau ar ei ôl ddwy chwaer a thri brawd yn Nghymru ac un brawd yn Columbus, sef Evan P. Jones, gyda'r hwn y cartrefai er pan gollodd Mrs. Jones.

Claddwyd ef ger capel Bethel. Yr oedd yn ddyn geirwir, gonest, llawn o ffraethineb diniwed, ac yn barchus iawn gan bawb yn yr ardal.

Y Drych ~ Gorphenaf 10fed 1890.