MR. RICHARD HUGH JONES. MINNEAPOLIS, MINNESOTA.

Mawrth 19eg, 1890, ar ôl misoedd o gystudd poenus, R. H. Jones, Minneapolis, Minnesota.

Ganwyd ef yn Penygroes, Llanllyfui, Caernarfon, Hydref, 1846. Deuddeg mlynedd ar hugain yn ôl daeth ef gyda ei dad a'i fam i'r wlad hon, a sefydlasant ar fferm yn Wisconsin. Am amryw flynyddau bu yr ymadawedig yn dal cysylltiad â masnach peirianau - yn Cambridge gyntaf, ac wedi hyny yn Berlin, Wisconsin.

Yn 1871 ymsefydlodd yn Minneapolis, fel prif oruchwyliwr C. Aullman and Co., ac wedi hyny fel prif ysgrifenydd yn y Minneapolis Harvester Works, Yn 1881, o herwydd afiecbyd, aeth dros y mor i'r cyfandir, a'r afiechyd a ymosododd arno y pryd hwnw a brofodd yn angeuol iddo.

Y mae iddo frawd o'r enw O. W. Jones mewn masnach beirianol yn Minneapolis, a brawd arall, W. W. Jones, yn Chicago. Er nad oedd Mr. Jones yn aelod gyda'r Cymry, eto bu yn dda at yr achos Cymreig bob amser trwy ei roddion pan y buasid yn galw arno am gymorth.

Claddwyd ef ddydd Sadwrn, y Parch. Dr. J. P. Woodbury yn gweinyddu.
BRYTHON.

Y Drych ~ Ebrill 3ydd 1890.