MRS. JOHN W. ROBERTS. NELSON, NEW YORK.

Awst 17eg, 1896, yn Nelson, New York, Mrs. John W. Roberts, yn 65 mlwydd oed.

Ganwyd hi yn Bryncrug, Sir Feirionydd, Gogledd Cymru. Merch ydoedd i John a Gwen Owens, Rhyd-yr-onen.

Priododd John W. Roberts yn y flwyddyn 1854. Ymfudasant yn 1857 i Nelson. Buont am rai blynyddau yn New York Mills, ac oddiyno symudasant i Nelson yn ôl, lle bu hyd ddiwedd ei hoes.

Gadawodd ar ei hol briod ac wyth o blant yn fyw.

Yr oedd hi yn aelod crefyddol yn eglwys yr A. ers dros ugain mlynedd.

Bu yn wael am ddwy flynedd, a bu farw yn hyderus iawn, canys dywedodd cyn huno, fod ofnau y glyn wedi ei gadael.

Yr oedd yn fam dyner, priod gofalus, yn gwarchod gartref yn dda, a chymydoges dawel a charedig.

Cafodd angladd parchus; daeth tyrfa luosog yn nghyd i dalu y gymwynas olaf iddi. Gweinyddwyd yn y tŷ, yn y capel, ac ar lan y bedd gan yr ysgrifenydd yn y ddwy iaith.
R. HUGHES.

Y Drych ~ Medi 3ydd 1896.