MR. ROBERT ROGERS. BROOKLYN, NEW YORK.
Wele un o hen landmarks Cymreig Brooklyn wedi huno yn yr angeu.Cyfeirio yr ydym at yr hen bererin Robert Rogers, yr hwn a gymerwyd yn sydyn wael Sabboth, Ebrill 30ain, a bu farw bore dydd Tau diweddaf yn yr oedran teg o 84 mlwydd oed.
Yr oedd yr ymadawedig yn enedigol o Dolgellau, Sir Feirionydd. Gadawodd wraig a thri o blant, un mab a dwy ferch i alaru eu colled ar ol tad ffyddlon a gofalus.
Daeth i'r wlad hon tua 60 mlynedd yn ol, a bu am amryw flynyddau yn llenydda a barddoni o dan y ffugenw Robyn Meirion.
Cynaliwyd y gwasanaeth angladdol yn ei breswylfod nos Sadwrn diweddaf. Ffyna y cydymdeimlad llwyraf a'r weddw oedranus a methiantus a galarus, yn nghyd a'r plant.