Medi 18fed, 1839, Yn mhlwyf Norway, Swydd Herkimer, C. N., yn 58 mlwydd oed, William Richards, genedigol o blwyf Aberdaron, Swydd Gaernarfon, Cymru.
Cludwyd ei ran farwol i Utica, lle y'i rhoddwyd i orphwys yn y pridd hyd ganiad yr udgorn y dydd diweddaf.
Gadawodd wraig a saith o blant, yn nghyda llawer o berthynasau a chyfeillion, i alaru ar ei ôì.
Daethai i'r America o Ynys Enlli ers dwy-flynedd-ar-hugain yn ol.
Bu y trangcedig yn perthyn i'r Bedyddwyr Cymreig Neillduol yn Utica amrai flynyddoedd.
Cafodd ddwy flynedd a hanner o anhwyldeb trwm cyn marw, y rhan fwyaf o ba amser y bu yn cadw ei wely.
Yr oedd yn dra lluniaidd yn ei fywyd, yn foesol yn ei ymarweddiad, yn heddychol yn ei gymydogaeth, ac yn barchus gan bawb a'i hadwaenai.