MRS. SARAH EVANS, TURIN, LEWIS COUNTY, NEW YORK.
Ionawr 3ydd, 1858, yn Turin, Lewis County, bu farw Sarah, gwraig Jabez Evans, yn 20 mlwydd oed.Yr oedd ein chwaer ymadawedig yn ferch i Mary a G. W. Griffiths, gynt o Aberdaron, Sir Gaernarfon, Gogledd Cymru.
Cafodd ei dwyn i fyny yn yr eglwys gyda'r Trefnyddion Calfinaidd. Derbyniwyd hi yn gyflawu aelod, pan yn l4eg oed, a daliodd afael yn ei phrophes hyd ddiwedd ei hoes; ac nid hyny yn unig, ond y mae yn ymddangos fod ganddi grefydd iawn. Fel hyn yr ysgrifena ei thad ataf': "Yr oedd yn dra hoff o ddarllen ei Beibl a llyfrau da eraill.
Dyoddefodd ei chystudd yn dawel a dirwgnach. Cynghorodd ei chwaer ac eraill oedd yn bresenol y diwrnod cyn iddi ymadael i weddio yn ddibaid - i lynu wrth grefydd hyd y diwedd, a choffáodd yr adnod ganlynol: 'Y neb a barhao hyd y diwedd, hwnw fydd cadwedig.' Dywedodd wrth ei mam ei bod hi yn myned ymaith, ac nad oedd ganddi ddim i'w wneyd, ond dal gafael yn y Cyfaill oedd yn dyfod gyda hi, a'i bod yn dysgwyl cael ei chwmni mewn gwell gwlad a gwell sefyllfa. Cynghorodd ei hanwyl briod i beidio wylo ar ei hol hi, canys meddai, 'Rwyf yn teimlo fy nhraed ar y Graig.'
Cyflwynodd ei baban bach 9 wythnos oed i Dad yr amddifaid i'w fagu a gofalu amdano - tranoeth hunodd yn yr lesu.' Dydd Mawrth canlynol, ymgasglodd tyrfa luosog o Gymry a Saeson i hebrwng ei chorph i dŷ ei hir gartref, yn nghladdfa Turin. Gweinyddwyd yu y tŷ cyn cychwyn, ac yn y' capel - yn Gymraeg, gan yr Ysgrifenydd; ac yn Saesoneg, gan y Parch. Mr. Bond.
R. ISAAC.