MRS. JANE EVANS. SPOKANE, WASHINGTON.
Gorphenaf 21ain, 1900. Bu farw Jane Evans, yn 72 oed yn nhy ei mab Richard Richards, 1010 Fourth Avenue, Spokane.Daeth yma tua dwy wythnos yn ol o Sprague, lle tua 40 milldir o'r ddinas hon, lle y bu hi a'i gwr presenol, Morris Evans, yn cadw y National Hotel am tua 15 mlynedd.
Mae y mab Richard yn swyddfa'r "Spokane Review," papyr dyddiol y ddinas hon.
Genedigol oedd Mrs. Evans o Bangor, Gogledd Cymru, a'i gwr cyntaf o Sir Fon. Erys Mr. Evans a'r unig ferch yn Sprague, yn parhau gyda'r hotel. Y mae brawd iddo yn Waukesha, Wisconsin.
Gwasanaethwyd yn y cynhebrwng gan y Parch. Jonathan Edwards. Cyflwynwyd llawer o flodau ar ei harch. Cafodd angladd anrhydeddus a lluosog. Daeth llawer o Sprague, gan ei bod mor adnabyddus i dalu y gymwynas olaf iddi. Trodd allan hefyd y Typographical Union er anrhydedd i'r mab, o ba gymdeithas y mae yn perthyn.
Pall-bearers oeddynt David Vineyard, George Price, A. W. Holland a J. J. Burns.
Claddwyd hi yn Greenwood Cemetery.