MRS. ANN MORRIS JONES. STEUBEN STREET, UTICA, NEW YORK.
Mae angeu wedi tori l lawr un eto o hen Gymry parchus dinas Utica, y tro hwn yn mherson Mrs. Ann Williams, yr hon a fu farw ddydd Llun diweddaf, Hydref 26ain, yn nghartref ei merch, Mrs. Robert W. Williams, 1514 Steuben Street.Nid sydyn ac annysgwyliadwy ddyfodiad angeu ati, gan iddi gael ei chystuddio dros flwyddyn, a dyoddef o honi yn ystod y ddau fis diweddaf hyn boenau dirfawr.
Ganwyd Ann Morris Jones yn mhentref Llanberis, sir Gaernarfon, wrth odreu y Wyddfa, yn mis Mai, 1839, hyhi felly yn 75 oed. Yno yr addysgwyd hi yn yr ysgol ddyddiol a'r Ysgol Sul, ac y tyfodd yn ferch ieuanc hardd.
Yn 1859, ymbriododd a William Williams, o Llandinorwig, Gogledd Cymru, a bu iddynt ymdaith briodasol hapus hyd Mai, 1889 pryd y daeth angeu i dori i lawr y priod. Y flwyddyn ddylynol daeth Mrs. Williams drosodd i'r wlad hon, gan sefydlu gyda'i phlant yn Utica. Bu'n byw am flynyddau ar Elm St., ond yn ddiweddar aeth i fyw at ei merch ar Steuben St.
Yr oedd Mrs. Williams yn aelod o eglwys Bethesda, ac yn fawr ei dyddordeb yn llwyddiant yr achos. Yr oedd yn adnabyddus i gylch eang o gyfeillion, o herwydd cysylltiadau agos ei phlant a chymdeithasau cerddorol y ddinas.
Gedy mewn galar mawr ar ol mam ofalus a thyner William G. Williams, Mrs. Robert W. Williams, John G. Williams, yr oll o'r ddinas hon; Proff. Morris G. Williams, Erie, Pennsylvania; Mrs. Evan Williams, o Llanfairfechan, Gogledd Cymru; ac un chwaer, Mrs. John J. Hughes, o New York Mills, ac y mae cydymdeimlad mawr a hwy.