MARY CATHERINE THOMAS. SLATINGTON LEHIGH, PENNSYLVANIA.
Awst 19eg, 1919, yn nghartref ei mab ar Second Street, bu farw yr hen chwaer, Mrs. Mary C. Roberts, priod y diweddar Mr. Humphrey Roberts (Ffestiniog); hen gymeriad ffyddlawn, a wedi bod yn mysg y saint yn Bethel (A.) am lawer blwyddyn.Oddeutu tair blynedd yn ol, gwanychodd ei hiechyd fel nas gallasai fyned tua Seion mwy. Collodd ei llafar fel nas gallasai gario un math o ymddyddan a neb, er hyny yr oedd yn eithaf amlwg hyd yn nod i ddyeithriaid fod ei hysbryd yn llawn iechyd, ac fod yr ymdrafodaeth a'i Thad nefol yn parhau mor fywiog ag erioed.
Ganwyd yr ymadawedig yn Bethesda, Arfon, yn y flwyddyn 1849, a daeth i'r wlad hon oddeutu deugain mlynedd yn ol, gan ymsefydlu yn y dref hon, lle y gwnaeth lawer o ffryndiau iddi ei hun trwy fod yn ffrynd i bawb. Ganwyd iddi bum mab ac un ferch, pa rai sydd heddyw yn hiraethu ar ol un fu yn fam dyner ac anwyl iddynt.
Ddydd Gwener, y 22ain daeth y ffryndiau at eu gilydd i dalu y gymwynas olaf i'r hyn oedd farwol, pryd y gwasanaethwyd yn y ty, yn y capel, ac wrth y bedd, gan ei gweinidog, y Parch. R. L. Williams. Bydded i Dduw yr hen fam fod yn Dduw i'r plant oll yw ein dymuniad.
Cyfaill.